Home సినిమా వైయ‌స్ జ‌గ‌న్ చేతుల మీదుగా ‘ప్రేమెంత ప‌ని చేసే నారాయ‌ణ‌’ ఆడియో

వైయ‌స్ జ‌గ‌న్ చేతుల మీదుగా ‘ప్రేమెంత ప‌ని చేసే నారాయ‌ణ‌’ ఆడియో

702
SHARE

ప్రెమెంత ప‌ని చేసె నారాయ‌ణ‌ చిత్ర ఆడియోను ఇటీవ‌ల ప్ర‌జా సంక‌ల్ప‌యాత్ర‌లో భాగంగా అమలాపురంలో ప‌ర్య‌టిస్తున్న వైయ‌స్ జ‌గ‌న్ చేతుల మీదుగా విడుదల చేశారు. ఈ సందర్భంగా ఈ రోజు రామానాయుడు స్టూడియోలో పాత్రికేయుల స‌మావేశం ఏర్పాటు చేశారు. ఈ కార్య‌క్ర‌మంలో జొన్న‌ల‌గడ్డ శ్రీనివాస‌రావు మాట్లాడుతూ.. మా అబ్బాయి హ‌రికృష్ణ‌కు వైయ‌స్ జ‌గ‌న్మోహ‌న్ రెడ్డి గారంటే ఎంతో అభిమానం. వారితో ఈ చిత్రంలోని ఒక్క పాటైనా లాంచ్ చేయాల‌ని ప‌ట్టు ప‌ట్ట‌డంతో ప్ర‌జా సంక‌ల్ప యాత్ర‌లో భాగంగా అమ‌లాపురంలో ప‌ర్య‌టిస్తోన్న వైయ‌స్ జ‌గ‌న్ గారిని క‌లిసి మా చిత్ర ఆడియో వారి చేతుల మీదుగా లాంచ్ చేయ‌డం జ‌రిగింది. వారు ఎంతో బిజీ గా ఉన్న‌ప్ప‌టికీ.. మా ప్రేమెంత ప‌నిచేసే నారాయ‌ణ‌ చిత్రంలోని పాట‌లు లాంచ్ చేసి, మా అబ్బాయికి వారి బ్లెస్సింగ్స్ అందించారు.

జ‌గ‌న్ గారు రిసీవ్ చేసుకున్న విధానం చాలా సంతోషాన్ని క‌లిగించింది. ఆదిత్య ఆడియో ద్వారా పాట‌లు మార్కెట్ లోకి వ‌చ్చాయి. ఇప్ప‌టికే విడుద‌లైన మా సినిమాకు సంబంధించిన ఫ‌స్ట్ లుక్ కు , టైటిల్ సాంగ్ ప్రోమోకు మంచి రెస్పాన్స్ వ‌చ్చింది. జూలై రెండో వారంలో సినిమాను గ్రాండ్ గా విడుద‌ల చేయ‌డానికి స‌న్నాహాలు చేస్తున్నాం అన్నారు. హీరో హ‌రికృష్ణ జొన్న‌ల‌గ‌డ్డ మాట్లాడుతూ… నేను ఎంతో అభిమానించే వైయ‌స్ జ‌గ‌న్ గారు మా చిత్ర ఆడియో లాంచ్ చేయ‌డం చాలా ఆనందంగా అనిపించింది. పాట‌ల‌కు మంచి స్పంద‌న వ‌స్తోంది. జూలై రెండో వారంలో వ‌స్తోన్న సినిమాకు కూడా మంచి స్పంద‌న వ‌స్తుంద‌న్న న‌మ్మ‌కం ఉంది. టీమ్ అంతా అందించిన స‌పోర్ట్ తో సినిమా చాలా బాగా వ‌చ్చింద‌న్నారు.

ఝాన్సీ , చిలుకూరి గంగారావు, ఎఆర్‌సి.బాబు, రాహుల్ బొకాడియా , పింగ్ పాంగ్, రాఘ‌వ‌పూడి, రాజారావు త‌దిత‌రులు న‌టిస్తోన్న ఈ చిత్రానికి క‌థఃజేయ‌స్ఆర్ మూవీస్; స‌్క్రీన్ ప్లేః భూప‌తిరాజా, మ‌రుధూరిరాజా, రాజేంద్ర‌కుమార్; మాట‌లుఃసుబ్బ‌రాయుడు బొంపెం; స‌ంగీతంః యాజ‌మాన్య‌; పాట‌లుః వ‌న‌మాలి, గోసాల రాంబాబు; ఎడిట‌ర్ః జాన‌కిరామ్‌; కెమెరాః పియ‌స్‌వంశీ ప్రకాష్‌; కొరియోగ్ర‌ఫీః ప్రేమ్ ర‌క్షిత్‌, విద్వాసాగ‌ర్‌, శ్రీధ‌ర్‌; నిర్మాతః సావిత్రి జొన్న‌ల‌గ‌డ్డ‌; ద‌ర్శ‌క‌త్వంః జొన్న‌ల‌గ‌డ్డ శ్రీనివాస‌రావు.